EMBLA - launagreiningartól

Embla er starfaflokkunar- og launagreiningartól sem nýta má í vinnu við innleiðingu jafnlaunastaðalsins og við gagnavinnslu vegna jafnlaunastaðfestingar.

Notendur geta nálgast Emblu hér með innskráningu með rafrænum skilríkjum eða Íslykli:
https://innskraning.island.is/?id=embla.island.is

Embla byggir á aðferðafræði um greiningu og flokkun starfa sem sett er fram í viðauka B í jafnlaunastaðlinum ÍST85:2012. Þar eru settar fram tvær aðferðir við að flokka störf annars vegar „paraður samanburður“ og hins vegar „stigagjöf fyrir hvert viðmið“. Embla byggir á seinni aðferðinni og notast við 1000 stig (100%) til úthlutunar. Lögð er áhersla á að viðmið og vægi þeirra séu alfarið skilgreind af fyrirtækjum í samræmi við hlutverk og stefnu viðkomandi fyrirtækis.