Heimsmarkmiðasjóður atvinnulífs um þróunarsamvinnu
Hefur þitt fyrirtæki áhuga á að vinna að heimsmarkmiðum Sameinuðu þjóðanna um sjálfbæra þróun og ráðast í samstarfsverkefni í þróunarlöndum? Með því að styðja við eflingu atvinnu- og viðskiptalífs í þessum löndum gefst um leið tækifæri til að efla samkeppnishæfni á framtíðarmörkuðum.
Umsóknir skal senda á netfangið [email protected]
Nánari leiðbeiningar í verklagsreglum sjóðsins
Markmið sjóðsins er að hlúa að samstarfsverkefnum sem að efla sjálfbæran hagvöxt. Fjárhagsupphæð sjóðsins er 1,4 milljónir evra árlega. Verkefnin verða að fara fram í skráðum þróunarlöndum samkvæmt lista OECD DAC og utanríkisráðuneytisins. Verkefni geta fengið allt að 50% af heildarfjárveitingu verksins en að hámarki 200.000 evrur fyrir hvert verkefni á þriggja ára tímabili. Verkefnin ættu að vera í samræmi við heimsmarkmið Sameinuðu þjóðanna og sérstök áhersla er lögð á þverlægar áherslur Íslands sem eru mannréttindi, kynjajafnrétti og sjálfbær þróun.
Fyrirtæki
Fyrirtæki sem eru opinberlega skráð sem slík og eru ekki ríkisaðilar geta sótt til sjóðsins. Sérstaklega er hvatt til þess að verkefni stuðli að þverlægum markmiðum þróunarsamvinnu Íslands um mannréttindi, sjálfbærni og jafnrétti kynjanna. Fyrirtæki geta tekið höndum saman með félagasamtökum, háskólum og öðrum slíkum aðilum við framkvæmd verkefna.
Samstarfslönd
Áherslan er annars vegar á lágtekju- og lágmillitekjuríki á lista þróunarsamvinnunefndar Efnahags- og framfarastofnunarinnar (DAC/OECD) um viðtökulönd opinberrar þróunaraðstoðar. Hins vegar er áherslan á smáeyþróunarríki (SIDS) á sama lista . Verkefni þarf að vinna í samvinnu við traustan samstarfsaðila í þróunarlandi.
Sjá lista yfir gjaldgeng samstarfslönd.
Styrkfjárhæð
Styrkfjárhæð getur numið allt að 200.000 evrum yfir allt að þriggja ára tímabil og getur ekki orðið meira en helmingur af heildarkostnaði verkefnis. Því þarf fyrirtæki og samstarfsaðilar þess í þróunarlöndum að leggja fram sama eða hærra framlag en styrkfjárhæðin nemur svo sem í formi vinnu eða ráðgjafar.
Umsókn
Senda skal umsókn til utanríkisráðuneytisins á netfangið [email protected]. Fylla þarf út umsóknareyðublöð sem er að finna hér neðar, verkefnaskjal og verk- og kostnaðaráætlun eins og fram kemur í verklagsreglum. Velkomið er að senda fyrirspurnir á netfangið [email protected].
Afgreiðsla
Utanríkisráðherra úthlutar styrkjum að fengnu áliti matshóps þriggja óháðra sérfræðinga á sviði fyrirtækjareksturs og þróunarsamvinnu.
Nánar í verklagsreglum sjóðsins
Skráðu þig á póstlistann á áskriftarsíðu stjórnarráðsins
Gögn
- Verklagsreglur um Heimsmarkmiðasjóð atvinnulífs um þróunarsamvinnu
- Reglur um styrkveitingar utanríkisráðuneytisins til félagasamtaka og fyrirtækja í þróunarsamvinnu
- Leiðbeiningar Ríkisendurskoðunar
- Rules for the Ministry for Foreign Affairs on grants for the private sector companies participating in development
- Rules of Procedure for the Sustainable Development Goals Partnership Fund
Spurt og svarað
Gerð er krafa um staðfestan ársreikning af löggiltum endurskoðenda í samræmi við 8. gr. laga um alþjóðlega þróunarsamvinnu nr.121/2008 og leiðbeiningum Ríkisendurskoðunar um eftirlit með fjármunum, uppgjöri og áritun endurskoðenda í tengslum við þátttöku Íslands í sameiginlegum þróunarverkefnum. Samkvæmt Félagi löggiltra endurskoðenda um Áritanir og staðfestingar endurskoðenda getur áritun endurskoðenda verið mismunandi eftir því hvaða staðfesting frá endurskoðanda liggur að baki. Ársreikningar fyrirtækja (umsækjanda) verða skoðaðir m.t.t. stærðar styrkupphæðar sem sótt er um.
Gjaldgeng samstarfslönd eru lág- og lágmillitekjuríki samkvæmt lista OECD-DAC yfir viðtökulönd opinberrar þróunaraðstoðar.
Til að vera tekin til greina verða öll gögn og upplýsingar, sbr. 5. grein reglnanna og lista fremst í umsóknareyðublaði, að berast með umsókn til sjóðsins. Hins vegar, ef umsækjandi nær ekki að verða sér úti um öll gögnin sem krafist er áður en umsóknarfrestur rennur út tekur sjóðurinn það til greina þar sem hátíðarnar koma inn í umsóknartímabilið. Það er því tillit tekið til ef umsókn er send inn og einhver fylgiskjöl vantar en gefa verður skýrt til kynna hvaða gögn munu berast seinna.
Reglur sjóðsins á ensku er nú hægt að finna undir Reglur og umsóknareyðublað á síðu sjóðsins.
Eins og fram kemur í auglýsingu og reglum sjóðsins þá verða veitt framlög til samstarfsverkefna er koma til framkvæmda í lágtekju- og lág millitekjuríkjum auk há millitekju smáeyþróunarríkja á útgefnum lista DAC um viðtökulönd opinberrar þróunaraðstoðar. Lágtekju- og lág millitekjuríkj er fyrsti og annan dálkur á lista DAC þ.e. Least Developed Countries og Lower Middle Income Countries. Gjaldgeng samstarfslönd til styrkveitingar úr Samstarfssjóðnum eru talin upp á lista yfir gjaldgeng samstarfslönd 2020 sem ráðuneytið gefur út og er birtur á heimasíðu sjóðsins.
Samkvæmt 4. gr. reglnanna geta eingöngu skráð fyrirtæki sem ekki teljast ríkisaðilar, t.a.m. einstaklingsfyrirtæki, félög og sjálfseignarstofnanir, sótt um styrk í sjóðinn. Þessar takmarkanir eiga hins vegar ekki við samstarfsaðila sem geta t.d. verið félagasamtök, háskólar, o.s.frv. Styrkhæf verkefni þurfa að vera framkvæmd í samvinnu við samstarfsaðila í tilteknu þróunarlandi. Staðfest gögn frá samstarfsaðila sem og önnur gögn þurfa að vera til staðar til stuðnings umsóknar sbr. 5.gr. m.liðar. Hvað varðar 5.gr. f.liðar reglna þar sem fram kemur að ársreikningur umsækjanda skal staðfestur af löggiltum endurskoðenda nægir að ársreikningar minni fyrirtækja sé áritaður af löggildum endurskoðenda.
Notast skal við sama eyðublað fyrir forkönnunarstyrki og almenna styrki. Umsókn má vera fyllt út á ensku.
Hlutverk sjóðsins er að hvetja til þátttöku og framlags atvinnulífs til þróunarsamvinnu. Markmiðið er að draga úr fátækt og styðja við atvinnusköpun og sjálfbæran vöxt í fátækum ríkjum heims í samræmi við heimsmarkmið Sameinuðu þjóðanna. Styrkt verkefni skulu vera til hagsbóta og miða að því að skapa verðmæti í þróunarlöndum. Styrkt verkefni skulu jafnan styðja við heimsmarkmið nr. 8 um sjálfbæran hagvöxt og mannsæmandi atvinnutækifæri, sem og hafa tengingu við önnur þau heimsmarkmið sem Ísland leggur áherslu á í þróunarsamvinnu sinni.
Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.