Greiðslukerfi og greiðsluþjónusta

Aðeins lítill hluti greiðslumiðlunar á Íslandi fer fram í reiðufé. Notkun rafrænna greiðslumiðla er þannig mjög útbreidd. Rafræn greiðslumiðlun er byggð á notkun greiðslu- og uppgjörskerfa sem gjarnan tengjast innbyrðis.

Greiðslukerfi eru mikilvægur fjármálainnviður og öryggi þeirra mikilvægt til að tryggja fjármálastöðuleika. Veiting greiðsluþjónustu, þ.m.t. útgáfa greiðslukorta og færsluhirðing, er starfsleyfisskyld starfsemi samkvæmt lögum nr. 120/2011 um greiðsluþjónustu en lögin kveða nánar á um hvað telst til greiðsluþjónustu.

Sérstök lög eru í gildi um öryggi fyrirmæla í greiðslukerfum og verðbréfauppgjörskerfum, nr. 90/1999.

Til kerfislega mikilvægra fjármálainnviða á Íslandi teljast nú stórgreiðslukerfi Seðlabanka Íslands, jöfnunarkerfi Greiðsluveitunnar ehf. og verðbréfauppgjörskerfi Nasdaq verðbréfamiðstöðvar, samanber staðfestingu fjármálastöðugleikaráðs.

Nánari umfjöllun um innlenda fjármálainnviði, þ.m.t. greiðslukerfi og greiðsluþjónustu er að finna á vefsvæði Seðlabanka Íslands