Útgáfa skilríkja erlendis

Þegar íslenskir ríkisborgarar eru staddir erlendis án gilds vegabréfs er hægt að leita til sendiskrifstofu eða ræðismanna Íslands til að fá útgefið nýtt ferðaskilríki. Hafi vegabréfi verið stolið eða það hefur týnst er um tvo kosti að velja. Sendiráð sem búa yfir rafrænum umsóknarbúnaði geta tekið við umsókn um nýtt vegabréf fyrir umsækjanda en þar sem slíkur búnaður er ekki til staðar er unnt að gefa út svokölluð neyðarvegabréf.

Hafi vegabréfi verið stolið [eða það glatast] skal tilkynna það til lögreglu og fá lögregluskýrslu auk þess sem rétt er að tilkynna það til næstu sendiskrifstofu eða ræðismannsskrifstofu.

Athugið að ekki er hægt að ferðast á skilríki sem tilkynnt hefur verið glatað en finnst aftur. Það verður gert upptækt á flugvelli erlendis og því mikilvægt að passa vel að vera með nýtt vegabréf.

Ávallt þarf að sækja um nýtt vegabréf í eigin persónu.

Almennar upplýsingar um vegabréf eru á Ísland.is.

1. Vegabréf

Eftirfarandi sendiskrifstofur taka við umsóknum um almenn vegabréf:

Aðalræðisskrifstofur

Öll vegabréf eru framleidd hjá Þjóðskrá Íslands og tekur framleiðslan allt að tvo virka daga auk sendingartíma til viðtakanda. Athugið að ef frídagar eru á tímabilinu lengist afgreiðslutíminn sem þeim nemur.

Vegabréf eru póstsend. Umsækjandi getur óskað eftir því að fá að sækja vegabréf sitt í sendiráð eða fá það sent á þann stað þar sem hann dvelst.

2. Neyðarvegabréf

Öll sendiráð, fastanefndir og ræðismenn Íslands geta gefið út neyðarvegabréf (Emergency Passport) til íslenskra ríkisborgara þegar það á við.

Neyðarvegabréf er eingöngu gefið út til þess að aðstoða íslenska ríkisborgarar í neyð við að komast til Íslands eða til næsta áfangastaðar þar sem hægt er að sækja um fullgilt vegabréf. Neyðarvegabréf eru ekki ákjósanleg ferðaskilríki og geta ferðamenn ekki gengið að því vísu að þeir geti stundað ferðalög með neyðarvegabréf. Er því mælt með því að sótt verði um almennt vegabréf sem fyrst.

Sjá nánar á vef Þjóðskrár Íslands