Sjóðir og styrkir

Framkvæmdasjóður ferðamannastaða

Framkvæmdasjóður ferðamannastaða er í vörslu Ferðamálastofu. Samkvæmt lögum nr. 75/2011 um Framkvæmdasjóð ferðamannastaða er markmið og hlutverk sjóðsins að stuðla að uppbyggingu, viðhaldi og verndun ferðamannastaða  sem eru í eigu eða umsjón sveitarfélaga og einkaaðila um land allt. Þá skal með fjármagni úr sjóðnum leitast við að tryggja öryggi ferðamanna og vernda náttúru landsins. Einnig er sjóðnum ætlað að fjölga viðkomustöðum ferðafólks til að draga úr álagi á fjölsótta ferðamannastaði. Framkvæmdasjóður ferðamannastaða auglýsir eftir umsóknum um styrki 1-2 sinnum á ári til uppbyggingar ferðamannastaða, í samræmi við markmið sjóðsins.

Flugþróunarsjóður

Flugþróunarsjóður hefur það að markmiði að styðja við uppbyggingu nýrra flugleiða til Íslands þannig að koma megi á reglulegu millilandaflugi um alþjóðaflugvellina Akureyri og Egilsstaði. Með því er stuðlað að dreifingu ferðamanna um landið í samræmi við Vegvísi í ferðaþjónustu,  bættri nýtingu innviða ríkisins, bættum búsetuskilyrðum og lífsgæðum heimamanna og bættum rekstrarskilyrðum atvinnureksturs á Norður- og Austurlandi.

Sjóðurinn starfar samkvæmt Starfsreglur Flugþróunarsjóðs.pdf Flugþróunarsjóðs.

Íslandsstofa og ISAVIA kynna starfsemi sjóðsins.

Fyrirspurnir um starfsemi sjóðsins er hægt að senda á [email protected].  Eftirtaldir aðilar geta einnig veitt frekari upplýsingar um reglur sjóðsins:

• Íslandsstofa, Austurbrú, Markaðsstofa Norðurlands og ISAVIA

Sjá upplýsingar um skipan stjórnar Flugþróunarsjóðs

Hvati 

Menningar- og viðskiptaráðuneytið veitir Hvata - styrki til verkefna á málefnasviðum menningar- og viðskiptaráðherra.

Styrkjum skal úthlutað til ákveðinna verkefna á vegum félaga og samtaka til eins árs í senn. Verkefnin skulu ekki njóta lögbundins stuðnings eða falla undir sjóði eða sérstaka samninga. Þá eru hvorki veittir styrkir til nefndarsetu eða styrkir til BA/BS-, eða meistaraprófsverkefna.

Sjá nánar HÉR!

Annað 

• Leiðir til að fjármagna nýsköpun