Hoppa yfir valmynd

Fjársýsluskattur og sérstakur fjársýsluskattur

Fjármálafyrirtæki sem hafa fengið starfsleyfi sem viðskiptabanki, sparisjóður eða lánafyrirtæki og aðrir þeir sem taka við innlánum greiða 0,376% af heildarskuldum samkvæmt skattframtali, umfram 50 milljarða kr., í sérstakan skatt á fjármálafyrirtæki.

Skatturinn er lagður á með þau markmið að leiðarljósi að afla ríkinu tekna til að mæta þeim mikla kostnaði sem féll á ríkissjóð vegna hruns íslenska fjármálakerfisins og að draga úr áhættusækni fjármálafyrirtækja vegna þeirrar kerfisáhættu með tilheyrandi kostnaði sem áhættusöm starfsemi þeirra getur haft í för með sér fyrir þjóðarbúið.

Fjársýsluskattur

Fjármálafyrirtæki, verðbréfafyrirtæki og tryggingafélög, auk Íbúðalánasjóðs, greiða 5,5% fjársýsluskatt af öllum tegundum skattskyldra launa og þóknana. Skattinum skal skilað mánaðarlega í staðgreiðslu

Sérstakur fjársýsluskattur 

Sérstakur fjársýsluskattur er 6% viðbótartekjuskattur á tekjuskattsstofn umfram 1.000 milljónir króna, án tillits til samsköttunar og yfirfæranlegs taps. Skattskyldir eru þeir sömu og bera fjársýsluskatt. Skatturinn er innheimtur fyrirfram mánaðarlega.

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira