Hoppa yfir valmynd

Ferli innleiðingar

Hér gefur að líta ferli sem hægt er að fylgja við innleiðingu jafnlaunastaðalsins.

Áður en ákvörðun er tekin um að innleiða jafnlaunastaðalinn er hægt að kynna sér staðalinn betur, umfang og forsendur innleiðingar á kynningarnámskeiði sem haldið er reglulega hjá fræðslusetrinu Starfsmennt .

Þegar ákvörðun hefur verið tekin um að innleiða staðalinn þarf að setja upp verkáætlun, gera stöðumat (þ.e. fara yfir það hverjir af þeim þáttum sem gerðar eru kröfur um í staðlinum séu til staðar og hvaða umbætur þurfi að eiga sér stað m.t.t. krafna staðalsins). Hér er m.a. átt við það hvort jafnlaunastefna sé til og hvort hún hafi verið kynnt fyrir starfsfólki og sé aðgengileg þeim, hvort allar ákvarðanir um laun og kjör séu skjalfestar, rökstuddar og rekjanlegar, hvort verklagsreglur fyrir launaákvarðanir séu til og skráðar og hvort hlutverk, ábyrgð og völd séu skilgreind. Hægt er að kynna sér betur þætti stöðumats í tékklista í verkfærakistunni.

Því næst er að framkvæma verkáætlunina og er stærst þáttur hennar oftast að framkvæma starfaflokkun. Einnig þarf að framkvæma launagreiningu byggða á starfaflokkuninni og huga að skjölun verklagsreglna.

Að lokum er rétt að gera nokkurs konar innri úttekt eða forúttekt til að athuga hvort vinnustaður telji sig uppfylla kröfur staðalsins.

Ef vinnustaður telur sig uppfylla kröfur staðalsins getur hann:

  1. lýst því yfir að kröfum staðalsins sé fullnægt
  2. fengið fulltrúa hagsmunaaðila (s.s. stéttarfélaga) til að koma og taka út jafnlaunakerfið og staðfesta að það uppfylli kröfur staðalsins
  3. fengið vottun frá faggiltri vottunarstofu um að kröfum staðalsins sé fullnægt. Þeir vinnustaðir sem fá vottun af faggiltri vottunarstofu fá að prýða sig Jafnlaunamerkinu.

 Ferli innleiðingar

Sjá einnig:

Yfirlit um lög

Yfirlit um lög er varða mannréttindi og jafnrétti er að finna á vef Alþingis

 

Yfirlit um reglugerðir

Yfirlit um reglugerðir er varða jafnrétti er er að finna á reglugerd.is

Námskeið

Fræðslusetrinu Starfsmennt hefur verið falið að halda utan um námskeið til að styðja við og auðvelda innleiðingu jafnlaunastaðals hjá stofnunum og fyrirtækjum.

 

Burt með launamuninn!

Jafnlaunastaðallinn var kynntur á fundi sem haldinn var 24. október 2016.

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira