Tekjuskattur
Til skattskyldra tekna teljast með þeim undantekningum og takmörkunum, er í lögum greinir, hvers konar gæði, arður, laun og hagnaður sem skattaðila hlotnast og metin verða til peningaverðs og skiptir ekki máli hvaðan þær stafa eða í hvaða formi þær eru.
Skyldu til að greiða tekjuskatt og útsvar bera allir þeir sem afla tekna á Íslandi. Þeir sem búsettir eru hér á landi bera fulla skattskyldu af tekjum sínum, en þeir sem búsettir eru erlendis og hafa héðan tekjur bera takmarkaða skattskyldu sem nær eingöngu til tekna sem þeir afla hér á landi.
Af tekjum einstaklinga utan rekstrar, aðrar en fjármagnstekjur, reiknast m.a. tekjuskattur sem rennur til ríkisins og útsvar sem rennur til sveitarfélaga. Hundraðshluti útsvars er ákvarðaður af sveitarfélögum. Á álagningarseðli kemur fram sveitarfélag og hundraðshluti útsvars. Frá reiknuðum tekjuskatti og útsvari dregst persónuafsláttur. Tekjuskattur einstaklinga og útsvar er að miklu leyti innheimt strax við útborgun launa, þ.e. í staðgreiðslu, og er launagreiðandi ábyrgur fyrir að standa skil á þeim sköttum sem hann hefur þannig dregið af launum.
Tekjuskattur einstaklinga er gerður upp við álagningu sem fram fer í lok júlí ár hvert vegna tekna ársins á undan.
Hlutföll og fjárhæðir
Sjá einnig:
Skattar og þjónustugjöld einstaklinga
Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.